名捌月 (已結業)

同朋友约左喺荃湾食饭，于是就上网睇下有咩餐厅介绍，见到呢间西餐厅评价几高。餐厅唔算大，但布置几舒服，俾人一种干净舒适嘅感觉。我叫左个澳洲M6和牛西冷（$398），块扒好大块，份量真系好足。我叫左5成，切开仲系粉红色嫁，冇乜血水，和牛不愧为和牛，牛味好重同好稔。餐汤我转左龙虾汤，个汤味道都浓，而且又有龙虾肉，唔错。餐饮叫左个水蜜桃果醋，呢个饮品系老板介绍嘅，我觉得好饮嘅，果醋𠮶种酸味有助消滞，因为块扒实在太大块，又唔想浪费食物，所以都尽量食矖佢。整体黎讲呢餐好满足。