Saravanaa Bhavan (已搬遷) 新店位置

印度菜系我心目中都系辣味浓味全部野一样味, 仲要去重庆大厦先有得食。(梗系唔系啦) 我朋友好大声答我XDDD咁就带左我去呢间印度餐厅试下。呢度地方好大好多位，仲有露台。不过今日下雨无得出去, 下次啦。呢间餐厅由印度人主理, 餐牌有中英对照。菜式选择超多, 我唔识拣呀, 朋友就介绍要食呢度既咖哩, 炒饭, 仲有烤饼。我最期待想食一道菜: 蘑菇用香料姜葱炒，劲重口味，但唔系重味精个只，是纯天然印度香料，食落口蘑菇仲多汁，外层酱汁香口，感觉好有镬气架。铺内有洗手盘俾你洗手食野，方便用手攞烤饼。劲贴心。咖喱杂菜，好香浓的印度香料，入口香而不辣酱汁劲浓，好杰身，薄饼连埋咖哩一齐食一流。蘑菇炒饭里面有青椒，紫洋葱等等一齐炒印度米饭，粒粒分明，不太油，口感好实在同埋幼细。唔同平时屋企食既白米饭。薄饼食哂我就用D咖哩汁捞饭, 一样咁好味。Mango lassi: 用新鲜芒果加乳酸打成汁，清新好饮。感觉有一点点像罗宋汤加中辣, 很开胃。不过辣既味道唔同平时麻辣味, 好足香料味。