麵家山下 (已結業)

之前上网有听讲过面家山下呢间店嘅故事，都有听朋友讲味道唔错，之前我净系知系上水有店，但最近听讲系元朗都开左间分店，咁岩今晚有时间，咁就过去试下味道同体验下系咪人地讲嘅咁好食喇。呢间店好细，入边只有十几个位，因为我地去到先六点几，所以唔洗等位，多数到七点多D就开始要排队喇，装修得比较精致。店内可以拣嘅品种唔算多，拉面就系得果个种，应该贵在够精吧，我地都点左个拉面DX黑蒜味，仲有其他几种口味，有三片叉烧，叉烧表面有烧过，但都系肥叉，表面有烧过，肥肉D油都逼晒出嚟，有种入口即溶嘅感觉，而且烧过觉得特别香。我地拣左黑蒜味，所以表面多左一层黑蒜油，闻到一阵比较浓香嘅蒜味，但入口又唔觉得好重嘅蒜味，汤底都唔算话好浓，但饮得出系用猪骨煲左好耐，拉面做得相当唔错，软硬适中，浸耐D都唔容易变软，最意外系会有两个味咐蛋，系溏心蛋嚟嘅，蛋白腌得好入味，蛋黄流心好滑，几好食，配菜嘅笋都唔错。想食好野又唔想等太耐的朋友，要早D过去霸位食啦！