山本屋 (海運大廈)

营业中

休息中

今晚男友带我食来自名古屋的［山本屋］，虽然要排队，但都系等左15分钟就入得，排队时系门口旁有厨窗，可以见到师傅即制即切手工乌冬，其优点系口感烟韧弹牙，令人期待的乌冬。餐厅都几大，满座但唔会太迫，因为枱櫈都较大，坐得舒适，枱面又够位放哂食物，好彩嘅话仲可以坐窗边位，睇埋夜景。呢度仲有特色，系用锅仔上菜，用锅装著汤乌冬，保持温热，冬天真系好岩食，暖笠笠。招牌咖哩汤 吉列猪排乌冬 $118鲣鱼汤底加洋葱、蕃茄等蔬菜、鸡骨、猪骨炖煮的汤底，香浓辛辣好惹味，腐皮吸哂汤汁超正，乌冬质感非常好，手工即制做法令乌冬烟韧弹牙。吉猪唔够热但脆口，吸汤汁食仍香脆。老店传统味噌汤 牛肉乌冬 $118赤味噌，自家发酵超过3年的冈崎八丁味噌，味道浓稠丰厚，令汤头更添传统风味。美国安格斯牛肉味浓又嫩滑，沾蛋黄汁更滑更香。乌冬好弹牙滑溜，很有咬口。最后可以追加米饭吸埋个汤汁食，但太饱所以冇追加。名古屋黑赤鸡翼山 $88 （尖沙咀店限定）赤系辣椒粉，满满红粉，好香口惹味，辣度唔高，但好香。黑系芝麻，特别香的风味，微咸炸得脆口。