影片
更多
2022-07-15
450 浏览
本身就好钟意食沾面，不过平时就食鱼介汤底多，呢次就嚟咗呢间大阪过江龙面店试吓佢嘅鸡白汤！😆🔸鸡 沾面 $148沾面嘅汤底比拉面更浓同厚身～鸡汤味道浓郁而且有鲜味，入面有少量笋、紫洋葱同嫩滑嘅鸡胸肉！汤底用咗泡沫咖啡打泡法，打出一层层绵密嘅泡沫，令口感更丰富，汤底亦更易挂上面身～沾面较为粗身有咬口，而且过咗冷河，令口感更弹牙！不过过咗冷河嘅面条亦令汤底更快变凉🥺另外仲有一块薄切嘅日式猪肉叉烧，慢煮嘅方法令肉质嫩滑，非常出色！伴碟仲有几条炸牛蒡！卖相靓得嚟咬落脆卜卜！🔸棵木烟薰糖芯蛋 $15沾面本身冇跟糖芯蛋嘅，我另外加咗一只～糖芯蛋入口会食到淡淡嘅烟薰味然后系蛋黄嘅香味，味道好有层次，而且腌制时间控制得好好，唔会太咸！蛋黄系流心嘅，卖相靓得嚟味道亦好好！🔸座银炸鸡 $48炸鸡一份就得三件，每件大概系一至两啖嘅size，份量略为少咗啲～不过味道唔错！外表金黄香脆，炸皮非常薄，肉质鲜嫩有肉汁，调味亦恰到好处！到最后食哂沾面之后，可以同店员讲声加汤～师傅会即场煮热一壶仔鲣鱼昆布汤比你，然后因应自己口味加落鸡白汤入面，捞匀然后品尝埋啲汤，咁就大满足喇！😆✨总括嚟讲，鸡白汤非常浓郁，系我钟意嘅味道
🔸鸡 沾面 $148
沾面嘅汤底比拉面更浓同厚身～
鸡汤味道浓郁而且有鲜味，入面有少量笋、紫洋葱同嫩滑嘅鸡胸肉！汤底用咗泡沫咖啡打泡法，打出一层层绵密嘅泡沫，令口感更丰富，汤底亦更易挂上面身～
沾面较为粗身有咬口，而且过咗冷河，令口感更弹牙！不过过咗冷河嘅面条亦令汤底更快变凉🥺
另外仲有一块薄切嘅日式猪肉叉烧，慢煮嘅方法令肉质嫩滑，非常出色！
伴碟仲有几条炸牛蒡！卖相靓得嚟咬落脆卜卜！
🔸棵木烟薰糖芯蛋 $15
沾面本身冇跟糖芯蛋嘅，我另外加咗一只～
糖芯蛋入口会食到淡淡嘅烟薰味然后系蛋黄嘅香味，味道好有层次，而且腌制时间控制得好好，唔会太咸！蛋黄系流心嘅，卖相靓得嚟味道亦好好！
🔸座银炸鸡 $48
炸鸡一份就得三件，每件大概系一至两啖嘅size，份量略为少咗啲～
不过味道唔错！外表金黄香脆，炸皮非常薄，肉质鲜嫩有肉汁，调味亦恰到好处！
到最后食哂沾面之后，可以同店员讲声加汤～师傅会即场煮热一壶仔鲣鱼昆布汤比你，然后因应自己口味加落鸡白汤入面，捞匀然后品尝埋啲汤，咁就大满足喇！😆✨
总括嚟讲，鸡白汤非常浓郁，系我钟意嘅味道！唔会好似某啲店舖咁淡戊戊冇鸡味～面身、叉烧、溏芯蛋等各方面都出色！店员亲切，环境舒适（店内洗手间亦非常整洁，而且有独立包装嘅漱口水等提供，好细心～），非常值得一试！
张贴
