蝦麵店 (海光街) (已搬遷) 新店位置

平时好钟意食面，如果想食浓郁嘅汤底，好多时都会去食拉面。而拉面多数都系以猪骨汤同鸡汤做汤底，好少见到海鲜汤底，今日有机会食到虾汤底，真系超级兴奋呀。当日我哋拣咗辣虾汤底同埋咖喱喇沙汤底。先讲辣虾汤底，起初冇拣到小辣，都有D担心会太辣，我唔食得辣，都觉得唔系太辣。个重点系，个汤底真系劲！香！虾！嘅！味！道！，每一啖汤都系有非常鲜甜嘅海鲜味道，简直觉得自己置身于海洋之中。真系斋饮个汤都真系可以攞到一百分。至于佢嘅配料有虾，肉骨同颇多嘅菜。佢嘅肉骨系用胡椒去煲淋，每一啖嘅肉都有好丰富嘅胡椒香味，而我本身亦都好钟意食胡椒汤肉骨茶入面嘅肉骨，真系惊喜啊！不过失色之处，就系个肉骨既肉有少少鞋。至于咖喱喇沙汤面，亦都冇令到我哋失望，个汤底超浓咖喱味， 但系有保留左少少喇沙味嘅余韵，汤底确是真材实料！除此之外，我哋仲叫咗炸鱼皮。好彩我哋叫咗炸鱼皮，佢嘅炸鱼皮炸得非常之薄脆，而且十分香口，亦都好新鲜。我自己好怕有时去茶餐厅食炸鱼皮，有时会食到好厚嘅鱼皮，亦都会有油抑味。所以大家嚟到呢一度，唔使担心，可以放心叫佢嘅炸鱼皮，真系好食！