麺屋飛丸

营业中

休息中

又揾到一间有我最爱嘅鸡白汤拉面，佢哋有三款鸡白汤，两款鲣鱼汤拉面。除咗酱油味同盐味，鸡白汤仲有一款黑蒜油味。叫咗碗黑蒜油鸡白汤拉面，叫埋小食仲送汽水。拉面一上枱好香蒜味，本身想拨开啲油，试一啖原味鸡白汤，可惜失败咗，因为蒜油真系好浓味。汤头又浓又杰，加上蒜香就真系一碗极浓拉面。再加上佢配细面一齐食，每一啖都充满蒜味。配料有紫菜、味玉、竹荀、鸡肉丸、鸡叉烧、烧猪腩叉烧，其中烧猪腩叉烧最出色，肥肉仲有啲爽脆但又唔会鞋。小食嘅免治鸡肉串都高质，值回票价。