頭啖湯

营业中

休息中

天气又冻番啦，梗系打个边炉啦。系铜锣湾兜咗半日，揾到一间专食鸡煲嘅边炉店。个名叫头啖汤又几过瘾。一入铺头已经有人招呼你，仲好贴心咁介绍有咩好食。黎之前都有做资料搜集，佢呢度嘅鸡汤唔系浓汤宝𠮶啲，真系鸡肉鸡骨煲出黎。有见及此，整番个椰子煲鸡先，试试佢个头啖汤。下次再黎嘅时候就试下佢个种庆鸡煲，因为隔离台个鸡煲好鬼香，辣辣地，搞到流晒口水。到拣配料啦，食肥牛片就梗架啦，之后有啲特色嘅火锅配料，咖哩薯波，手打墨鱼丸，呢啲系必叫。另外我地仲叫咗啲普通嘅配料，例如，牛柏叶，呢个真系唔系间间有，娃娃菜，鱼腐等等。仲叫咗一榨生果茶，几消脂开胃。到个锅黎到嘅时间，个椰子鸡汤真系好清甜，店员都有叫我地饮咗汤先好开始打边炉。啲鸡肉真系超级滑。到我地清晒锅入面嘅鸡肉之后，店员开始加鸡汤。之后就开始放开肚皮咁开餐了。值得推荐嘅一定系要试下个辣鸡，相信下次会叫一大班人黎再食，重要嘅系佢嘅价钱唔系贵，多人嘅话全部食物叫大份真系好抵。