龍鳳店

营业中

休息中

专食玩味蛋治既小店，本身都唔知有呢间店，但睇Youtube见到有人介绍就黎试下，佢专卖蛋治，但系个蛋治唔同平时，一于带大家睇下！环境面积较细间，得几个坐位，真系一间望落去全自给自足既小店，未知系咪老板娘，年纪都有啲大，老板娘似系一间打发下时间既店舖。 餐牌餐牌都系系哂餐厅既墙上面，有唔同花款既蛋治，但系瀑布炒蛋入面放各式各样三文治，连蟹膏、鹅肝都摆入去！ 亦都有唔同味道既奶茶，估唔到小店咁有创意。龙凤鳗鱼蛋治 $40我就试鳗鱼，份量其实一个人食都唔会觉得饱，瀑布炒蛋好吸晴，半生熟质感，上面洒左大量碎海苔，炒蛋嫩滑！但食落其实都唔系好食到面包口感，因为炒蛋一黎整湿左个包，二黎盖过哂面包既味同质感，而鳗鱼就正常水平，配搭系几岀乎意料，不过我会觉得贵，试一次都够。食物还可以，几有创意，而唔系果啲得创意但唔好食，我食既呢款「龙凤鳗鱼蛋治」系好食，夹得黎，加上系小店经营，值得支持下，不过价钱就真系贵左少少。