影片
更多
2025-02-06
346 浏览
最近朋友发现位于湾仔Mira Moon酒店里有一间水准唔错嘅中菜馆，想我陪佢试试。我当然二话不说即刻订枱试菜喇。这间「大宅」嘅装修都几impress，虽然地方唔算大，但都有一间可容纳12-16人嘅包厢，其他枱的距离尚算阔落，而服务员嘅态度都好专业和认真。🥢 江西豆腐·金沙白饭鱼江西豆腐上面铺满苔菜，豆腐外层炸到好脆口，但里面仍非常滑嫩。金沙白饭鱼充满咸蛋皇嘅香气，而且炸到好松脆。🥢 大宅佛跳墙呢个佛跳墙嘅材料好丰富，包括有花胶、瑶柱、白鸽蛋、冬菇、羊肚菌、海参和鲍鱼，全部都系名贵食材，加上师长时间的炖煮，汤味非常浓厚而且够晒黏口，劲多骨胶原。🥢 蟹黄银针烩玉带呢碟菜充满香浓嘅蟹皇汁，而银针粉又吸收晒蟹黄嘅鲜美，带子嘅肉质鲜嫩弹牙，使到整个口感层次够晒丰富。🥢 20年古月龙山花雕蛋蒸虎虾球虾球肉质够弹牙兼且好鲜甜，伴著浓郁芳香嘅花雕酒蒸蛋，令每一口都能感受到花雕酒嘅醇香。🥢 拔丝咕噜肉一口size嘅咕噜肉，炸到外酥内嫩，搭配埋彩椒、洋葱、荞头等配料，丰富咗整个菜嘅色彩和口感。但论拔丝嘅程度略嫌不够。🥢 香煎一夜鲜麒麟鱼用咗葱丝和淡豉油来衬托麒麟鱼，麒麟鱼系用咗马友鱼嚟做，师傅炸到鱼麟非常
这间「大宅」嘅装修都几impress，虽然地方唔算大，但都有一间可容纳12-16人嘅包厢，其他枱的距离尚算阔落，而服务员嘅态度都好专业和认真。
🥢 江西豆腐·金沙白饭鱼
江西豆腐上面铺满苔菜，豆腐外层炸到好脆口，但里面仍非常滑嫩。
金沙白饭鱼充满咸蛋皇嘅香气，而且炸到好松脆。
🥢 大宅佛跳墙
呢个佛跳墙嘅材料好丰富，包括有花胶、瑶柱、白鸽蛋、冬菇、羊肚菌、海参和鲍鱼，全部都系名贵食材，加上师长时间的炖煮，汤味非常浓厚而且够晒黏口，劲多骨胶原。
🥢 蟹黄银针烩玉带
呢碟菜充满香浓嘅蟹皇汁，而银针粉又吸收晒蟹黄嘅鲜美，带子嘅肉质鲜嫩弹牙，使到整个口感层次够晒丰富。
🥢 20年古月龙山花雕蛋蒸虎虾球
虾球肉质够弹牙兼且好鲜甜，伴著浓郁芳香嘅花雕酒蒸蛋，令每一口都能感受到花雕酒嘅醇香。
🥢 拔丝咕噜肉
一口size嘅咕噜肉，炸到外酥内嫩，搭配埋彩椒、洋葱、荞头等配料，丰富咗整个菜嘅色彩和口感。但论拔丝嘅程度略嫌不够。
🥢 香煎一夜鲜麒麟鱼
用咗葱丝和淡豉油来衬托麒麟鱼，麒麟鱼系用咗马友鱼嚟做，师傅炸到鱼麟非常脆口，外皮煎到香脆金黄，最难得系鱼肉仍可以保持到鲜嫩嘅口感，非常难得。
🥢 虾子花胶浓鸡汤·拌菜苗·手工拉面
呢个汤底够晒浓郁，但味道有点像佛跳墙嘅汤底，没太大惊喜。配上一旧厚花胶、清爽嘅菜苗和爽滑嘅手工拉面，整体口感不错。
🥢 芋蓉炖鲜奶
芋蓉嘅绵软和鲜奶嘅丝滑的融合，口感非常顺滑，但略嫌有点过甜。
张贴
