影片
更多
2016-05-31
271 浏览
今晚收工去左湾仔等埋老公大人，佢未收工我去左骆克道图书馆睇书，咁上下佢话系大有，行到过去肚饿啦！周围揾食~行入湾仔道离远见到好大个牌写住"家贺屋"，见到易拉架啲Set都唔贵，于是上1楼揾食啦！去到见到门口有张蓝鳍准许证，即系呢间既吞拿鱼应该OK㖞！坐低唔使谂即刻叫左客"特选鲔盛"。特选鲔盛有大吞拿腩2件，中吞鱼腩2件，吞拿鱼2件。当然试左靓野先，大吞拿鱼腩绝对系厚切，呈少少粉红色，鱼肉好香，油脂分布平均，入口即融，一咬就甩，吞拿鱼肉十分柔软。中吞拿鱼腩呈暗红色，肉质都好嫩，但唔够大吞拿鱼腩咁滑。最后系普通吞拿鱼腩，呈血红色，质感似一般放题吞拿鱼，肉质唔太滑，需要时间咀嚼，有咬感，味道有dd苦，唔够大同中吞拿鱼腩咁鲜味。火灸鳗鱼玉子: 其实系烧玉子入面包住少少鳗鱼，火灸既感觉就无乜，可能因为个面唔㶶，玉子几结实，唔松散，而且几甜，同鳗鱼少少咸既味道几夹，$35就有三件啦！鸡软骨饺子: 卖相唔似饺子，因为系长条型，望落去似炸腐皮卷XD，鸡软骨唔系好食到，咬落都系似一般饺子馅，但系都几油，一人两只够晒了。什锦鱼生丼: 价钱一d都唔贵，碗饭都几大碗，刺身有䲞鱼，三文鱼，吞拿鱼，蟹籽。蟹籽份量中
去到见到门口有张蓝鳍准许证，即系呢间既吞拿鱼应该OK㖞！坐低唔使谂即刻叫左客"特选鲔盛"。
特选鲔盛有大吞拿腩2件，中吞鱼腩2件，吞拿鱼2件。当然试左靓野先，大吞拿鱼腩绝对系厚切，呈少少粉红色，鱼肉好香，油脂分布平均，入口即融，一咬就甩，吞拿鱼肉十分柔软。中吞拿鱼腩呈暗红色，肉质都好嫩，但唔够大吞拿鱼腩咁滑。最后系普通吞拿鱼腩，呈血红色，质感似一般放题吞拿鱼，肉质唔太滑，需要时间咀嚼，有咬感，味道有dd苦，唔够大同中吞拿鱼腩咁鲜味。
火灸鳗鱼玉子: 其实系烧玉子入面包住少少鳗鱼，火灸既感觉就无乜，可能因为个面唔㶶，玉子几结实，唔松散，而且几甜，同鳗鱼少少咸既味道几夹，$35就有三件啦！
鸡软骨饺子: 卖相唔似饺子，因为系长条型，望落去似炸腐皮卷XD，鸡软骨唔系好食到，咬落都系似一般饺子馅，但系都几油，一人两只够晒了。
什锦鱼生丼: 价钱一d都唔贵，碗饭都几大碗，刺身有䲞鱼，三文鱼，吞拿鱼，蟹籽。蟹籽份量中规中矩，如果可以多啲会更好味，䲞鱼，三文鱼，吞拿鱼都系角切，一啖饭已经捞乱一齐食啦！鱼生都好新鲜鲜味。我城食食下发现枱面除左刺身豉油之外仲有枝樱花汁，细问之下原来系用黎食寿司饭，加左啲落饭度食，甜甜地，但只会少甜，唔似寿司豉油咁甜同带d咸味。
和风咖哩饭配吉烈猪扒定食: 呢个本身已经系定食啦，一个饭仲包埋沙律同面豉汤。面豉汤我搞下搞下以为好稀，点知饮落又几浓味，但豆腐粒少左d同埋唔系几够热。吉烈猪扒炸得好香口，粉唔多，炸到外层好脆，入面既猪扒就好松软仲零猪味tim！
食完咁多野以为会饱，点知系未既XD，见到餐牌有d寿司$10件，嗌左几件试先！(真系几件？)日本帆立贝软林林，帆立贝肉啲肉好结实，厚厚地，好爽口，而且甜得黎唔涩。三文鱼腩肥美又鲜味。油甘鱼呈白红色，片片薄切，有d甘甜味。七味烧鲭鱼:只有dd酸酸既味道，容易入口，所有寿司都好味，绝对唔系$3件𠮶d水准，抵食！
海条海鳗寿司: 见到餐牌，$26唔贵呀，以前系板X食过都好贵，海鳗质感始终都差过鳗鱼，呢度既海鳗好长，起码有廿几CM，同旧寿司差好远XD，鳗鱼汁分浓郁，海鳗整条无骨，软身好易咬，恐怕如果系鳗鱼就唔系呢个价钱啦！
今晚好满足，下次要再黎，试下d清酒，今晚..真系连听晚既Quota都食埋啦！
张贴
