薔紅

营业中

休息中

知道呢间炸鸡好耐，但系总系扚起唔到心肝去试，今日同个朋友讲起，就真系去试吓！12:00到达，啱啱有一台吉枱，坐低冇耐就已经大排长龙，真系厉害！仲要佢喺一楼，系楼上铺，唔系地舖，所以所有人客都系熟客，全部都系慕名而来！可见佢嘅号召力几劲！另外环境方面，其实系一般茶餐厅格局，而且佢啲嘢食种类好多，上至烧味，铁板烧，叉烧饭，海南鸡饭，焗饭，你讲得出嘅佢都有！不过一场嚟到梗系食烧鸡！而且差唔多台台都有，你就知佢几出名啦！烧鸡可以配薯条、意粉、沙律同饭！我就拣过最轻擎嘅薯条，今次加埋罗宋汤同冻饮！埋单$102！各返只鸡先，睇落佢平平无奇，只系一直大字！结果咬落去，啲肉汁挤晒出嚟！唔怪之得咁多人钟意食！而且份量真系好多，食极都未食得完！而且啲鸡都好滑！又有啲咸香！真系好享受！其他汤同埋薯条就一般般！不过最紧要只鸡好食！正！