段純貞X日出茶太 (The Johnston)

营业中

休息中

我不嬲钟意食汤面架。而牛肉面更系我大爱，今日系湾仔做完嘢，知道段纯贞系湾仔有分店所以食埋野先返屋企了。🍜湾仔分店楼底又高，舖头面积又大，坐得好舒服。餐厅门口亦都系有日出茶太呢一间手摇舖头，所以今次就决定拣饮品先啦。热爱💜紫色的我，见到呢度有杯叫💜紫玫瑰荔枝特饮，二话不说即刻落单。朋友就拣咗🥭芒果QQ，朋友未试过见到呢杯饮品咁大杯都吓咗一跳，但系佢试咗芒果QQ之后饮落去清清甜甜，而且又有珍珠同埋椰果，咁好味。佢都好有信心一定饮得晒。今次食招牌清汤牛肉面，🐮牛肉直情系入口就软晒，化开，滑捋捋咁好易咬开，配上细面的弹牙简直系绝配。而上次叫过既🐔炖浓汤鸡面，今次encore，因为出去食汤面好难食到滑溜嘅鸡肉，而且佢系会俾成只鸡髀加鸡胸，嫩滑好味，而且浓汤手工面系超级入味，每食一啖都要饮一啖汤汁。今次一样两碗汤面都系清晒碗。我哋仲叫咗鸡汤抄手原本以为抄手一定系辣，但系今次食嘅抄手系好似浓汤鸡咁样滑溜，又香又浓。除咗浓汤鸡面要encore之外，连葱饼都需要encore 㗎。三星葱肉香饼真系好好食，唔系个friend叫停我，我真系想嗌两份。三星葱好香，而且煎开咗之后松化香口。面团饼非常之香松软好食。