博多拉麵別天神 (已結業)

与友人相约午聚交换礼物，两口子就决定中午简单啲喺附近新开o既「博多拉面别天神」食碗汤面。小店只有九个围绕著开放式厨房o既吧位。吧枱上摆有自助餐具、冻茶及调味料。亦贴有用料不含味精之声明。头顶仲有多盒名牌纸巾供食客任用。两个大男人都觉得一碗面未必够饱，所以每人都叫咗个餐食。友人叫咗个「虾味噌套餐」，$115包咗一碗虾味噌豚骨汤面配小龙虾蟹子沙律。别天神套餐（$105）之饺子：饺子散叫有六件，跟餐则有四件，皮薄馅软嫩，可口美味。别天神套餐（$105）之豚骨汤面：豚骨汤面个豚骨汤底浓郁香滑，而且毫不油腻，两片薄薄o既豚肉软腍唔嚡口，加上幼幼o既面条爽韧易入口，连同云耳食又增添脆脆o既口感。