The Spice House Restaurant

营业中

休息中

原本谂住去食另一间餐厅，不过我地太迟，人地收左工。经过见到呢间泰菜都几多人食，就入咗去食喇。首先有猪颈肉，佢烧得好好味，好腍好香，最钟意系佢个汁，辣辣地又好有泰式风味。青咖哩鸡，呢个咖哩都几好食，用嚟送饭一流。不过啲鸡就唔系太新鲜，我主功个咖哩汁捞白饭，如果有薄饼就正，不过呢间无卖。仲有个炸虾饼，呢个系岩岩好炸起拎出黎，脆卜卜，热辣辣，超好味。而佢食落有好多虾系入面，超正。整体而言，呢间泰菜唔算好贵又几好食，绝对值得推荐，喺湾仔返工又钟意泰菜嘅朋友绝对唔可以错过。