大宅

营业中

休息中

大宅⭐️江西豆腐配金沙白饭鱼江西豆腐炸到外层香脆、内里嫩滑，配上紫菜口感几丰富，而金沙白饭鱼就每一啖都充满咸蛋黄酱汁，够晒惹味。⭐️大宅佛跳墙 佛跳墙用料非常丰富，有海参、鲍鱼、花胶同埋鸡肉等等。汤底鲜甜而且做法正宗，每一啖汤都有浓郁嘅海鲜味。⭐️20年古月龙山花雕蛋蒸虎虾球 蛋白用20年古月龙山花雕蒸煮，非常有特色。虎虾肉质鲜嫩弹牙，配上花雕浓郁嘅酒香，系嗅觉同味觉嘅双重享受。⭐️香煎一夜鲜麒麟鱼 麒麟鱼其实即系立麟做法嘅煎鱼，鱼肉煎得非常香脆，而一夜鲜嘅制法令入面嘅鱼肉变得更加嫩滑，欣赏餐厅嘅用心。⭐️虾子花胶浓鸡汤拌菜苗手工拉面 花胶炆得好入味，配上虾子丶菜苗同自家制手工拉面，健健康康又好食。⭐️芋茸炖鲜奶 芋茸几香滑，连埋鲜奶一齐炖，微微嘅甜味系今晚幸福嘅结尾。