家賀屋刺身寿司專門店

今日同Mina爸收工后，佢话想食日本嘢，我哋就去朋友推荐的，湾仔一间隐世日式居酒屋～家贺屋食晚餐，呢度装修充满日式风情，俾人温暖的感觉，餐厅主打时令海鲜居酒屋，供应日本地道酒肴，串烧等新鲜食材。店员服务态度亲切有礼，座位宽敞，坐得舒服。岩晒家庭进餐，或同三五知己嚟把酒碰杯！🌟特选刺身盛刺身盛中包括三文鱼，油甘鱼，吞拿鱼赤身，八爪鱼，特大赤海虾，每款都新鲜到无可挑剔，爽口弹牙既各款鱼生，每一款刺身都又厚又甜，啖啖都系食得出的鲜味🌟 旗本寿司定食 定食包括7件寿司再加1件玉子，寿司有吞拿鱼、赤海虾、油甘鱼等等，味道好新鲜，寿司用咗豉油赤醋饭，已经好够味，基本上都唔使落豉油，定食包咗三文鱼汤、沙律、仲有小食，小食系鸡软骨饺子，饺子炸得唔错，带金黄色够香脆🌟海三色丼 一碗丼饭有齐三文鱼、鲷鱼同赤海虾等必点款的刺身，每款刺身都大件又鲜甜，配上已调味的饭，滋味满分🌟生姜烧安格斯牛肉定食一套定食仲配埋沙律同蒸蛋，牛肉选用左安格斯，烧制后肉质软嫩，嚼劲十足。搭配埋生姜的清脆感，令口感层次更丰富！另外依家啤酒🍻做紧半价，大家快啲带埋三五知己一齐嚟啦😘