正潮樓

营业中

休息中

喺湾仔做完嘢，同事话想食潮州菜，于是我哋去咗呢度食晚饭，叫咗以下菜式:鹅三宝 - 鹅三宝有鹅肝、鹅翼及鹅掌，再配上豆腐同花生。鹅肝卤得入味，质感粉嫩又唔嚡，最重要系只食到肝嘅香味，但就食唔到腥味或膻味，好味道；鹅翼鹅掌同样卤得入味，肉质保持到有𡁻劲之余，但又唔会过韧，愈食愈想食；豆腐有豆香又滑溜；鹅蛋- 蛋白部分卤得好入味，质地好爽弹，蛋黄部分蛋香味好浓，唔错。总括而言，卤水汁应记一功，食物卤得又香又入味，同时又唔会过咸。汕头煎蚝烙 - 蚝烙煎得外脆内软，食落有蛋香，蚝仔好新鲜，完全无腥味，份量亦唔少，加埋鱼露调味就天提鲜。糖醋煎伊面 - 伊面用上幼面，一边煎得香脆，另一边则有少少湿润同韭黄香，口感好好，再加上浙醋及砂糖同吃，整体香气更突出。餐厅食物质素同环境都不错，店员殷勤有礼，提升了用餐体验。