橋本·串燒

营业中

休息中

同朋友仔食完Afternoon tea後，係尖沙咀周圍行下街，行到晚上就開始感覺到有少少肚餓，於是我地就去左棉登徑既居酒屋食串燒。居酒屋以傳統日式木系裝修，門口有大大個鳥居，非常吸睛，呢到既串燒種類非常多，價錢亦好親民。日式番茄沙律番茄同沙律菜非常新鮮，可以先清清味蕾。芝士流心蛋大啡菇 大啡菇表面係滿滿既半溶芝土，切開時看着流心蛋既蛋漿流出來，十分療癒。煙肉荔枝卷 煙肉捲住清甜多汁既荔枝，荔枝可減去煙肉油膩感，呢個配搭幾吾錯。五花腩（梅醬）五花腩肥瘦相間，肉味香濃，配上酸酸的梅醬，非常滋味。日本赤雞翼 雞翼燒到金黃香脆，雞味濃郁，肉質結實嫩滑，脂肪較少。雞心/雞腎/雞肝雞心同雞腎爽脆有嚼勁，雞肝口感細嫩，燒得非常香口。雞尾/雞軟骨雞尾呢個部位第一次食，估吾到幾鮮嫩，油脂豐富又無羶味。雞軟骨粒粒有肉有軟骨，外酥內脆，十分惹味。厚牛舌/美國安格斯牛小排牛舌燒到外香內軟，咬落甘香彈牙。牛小排肉質細緻軟嫩，油花豐富，牛肉味香濃。活鰻外皮燒得非常香脆，鱔肉鮮嫩多汁，油脂豐富。焦糖菠蘿菠蘿表面有焦糖，食落外脆內鮮甜，一咬落去就爆曬菠蘿汁，非常滿足。