火薈中日火鍋

营业中

休息中

平时都好少去食火锅放题，因为放题嘅质素多数都无咁好。所以今次就食咗呢个套餐火锅，食得饱之余又食到几好质素既食材。我同朋友对海鲜就冇乜兴趣，除咗象拔蚌，所以干脆就叫最平嘅$208位既C餐，有丸，滑鸡，鲩鱼片，墨鱼滑，雪花肥牛等等。首先佢哋会比好多豉油嘅配菜俾你选择，有辣椒，葱，蒜蓉⋯⋯辣椒同炸蒜系必落呀!雪花肥牛瘦肥分明，切得薄，系新鲜嘅肥牛，有好浓郁嘅牛味，亦都唔鞋。鲜鸡件超级滑，滚左好耐都keep住个滑度，估唔到有惊喜，因为出边食𠮶啲多数都系好鞋，好老。墨鱼滑上面有啲蟹子，夹埋爽口弹牙，差唔多成碟都系我食晒。鲩鱼片好鲜甜，不过我就比较喜欢脆肉鲩，因为会爽脆点。黑椒牛丸拼贡丸就普普通通，唔算有什么惊喜。重头戏来啦！就系象拔蚌，我哋叫咗例牌＄198，生食就鲜甜爽脆，只点少少豉油同埋Wasabi就已经可以。钟意熟食嘅就可以将佢放落去滚一两下，同样鲜甜可口。最后埋单＄724，两个人食可能都算贵左少少，不过间唔中一两次都可以嘅。