影片
更多
2023-10-16
137 浏览
今晚同屋企人黎到屯门站隔离既呢间酒店庆生，酒店以火车为主题，一到楼下已经有一个超大既火车头，而酒店大堂仲装扮成火车站候车大堂一样，餐厅里面仲有火车车卡座位，好特别，真系好似坐住火车食饭咁。自助餐款式都几多，海鲜冷盘有长脚蟹、面包蟹、虾、螺、青口，仲有火腿、沙律菜、芝士，长脚蟹好大条好多肉，味道鲜甜，有浓浓海水味，面包蟹有好多蟹膏，而虾、螺、青口质素都唔差。刺身有三文鱼、吞拿鱼、鲷鱼、带子、八爪鱼，款式都算多，而且刺身都好新鲜好肥美，除左刺身，仲有天妇罗，天妇罗外皮粉浆够薄，炸到松脆。热盘款式都唔少，最惊喜既竟然有芝士焗龙虾、烧蚝、烧羊架、牛西冷等等，龙虾肉质鲜甜，弹牙，芝士焗完更香口，羊架肉质软熟，带有淡淡羊膻味，烧过既蚝味道更浓郁。另外仲有即叫即整既牛肉面，牛肉面汤底浓郁，面质够爽口弹牙。非常欣赏呢度既甜品，每一款都系细细件，一口一件，比较易食，而雪糕都有几款拣，最开心既系除左有我至爱既movenpick薄荷朱古力味雪糕，仲有云尼拿、朱古力同士多啤梨，movenpick以外，仲有Häagen-Dazs，同一款本地制造既雪糕。饮品都系任饮，有橙汁、红茶、咖啡同埋茶。基本上自助餐款式全部
今晚同屋企人黎到屯门站隔离既呢间酒店庆生，酒店以火车为主题，一到楼下已经有一个超大既火车头，而酒店大堂仲装扮成火车站候车大堂一样，餐厅里面仲有火车车卡座位，好特别，真系好似坐住火车食饭咁。
自助餐款式都几多，海鲜冷盘有长脚蟹、面包蟹、虾、螺、青口，仲有火腿、沙律菜、芝士，长脚蟹好大条好多肉，味道鲜甜，有浓浓海水味，面包蟹有好多蟹膏，而虾、螺、青口质素都唔差。
刺身有三文鱼、吞拿鱼、鲷鱼、带子、八爪鱼，款式都算多，而且刺身都好新鲜好肥美，除左刺身，仲有天妇罗，天妇罗外皮粉浆够薄，炸到松脆。
热盘款式都唔少，最惊喜既竟然有芝士焗龙虾、烧蚝、烧羊架、牛西冷等等，龙虾肉质鲜甜，弹牙，芝士焗完更香口，羊架肉质软熟，带有淡淡羊膻味，烧过既蚝味道更浓郁。另外仲有即叫即整既牛肉面，牛肉面汤底浓郁，面质够爽口弹牙。
非常欣赏呢度既甜品，每一款都系细细件，一口一件，比较易食，而雪糕都有几款拣，最开心既系除左有我至爱既movenpick薄荷朱古力味雪糕，仲有云尼拿、朱古力同士多啤梨，movenpick以外，仲有Häagen-Dazs，同一款本地制造既雪糕。
饮品都系任饮，有橙汁、红茶、咖啡同埋茶。基本上自助餐款式全部都好高质，以呢个价钱食到cp值确系非常高，酒店外面仲有好多打卡位，食饭之余，仲可以周围影相。
张贴
