北京水餃店

营业中

休息中

入到去我同个阿婶1号讲要"酸辣汤净水饺"，然后我阿妈话要"酸辣汤水饺面"。同时间，我同阿妈忙住揾纸巾抹d chairs，每张都污糟......阿婶1号唔知搞乜，听错晒我地讲野......另一个阿婶2号都行埋黎睇下乜事我睇错左个餐牌，问两位阿婶点解唔系$25，个阿婶2号发恶大大声问我边度睇到系$25......经过三次改单及开火后，上台既系一碗"酸辣汤水饺面"同埋一碗"酸辣汤水饺粉丝"。我阿妈叫左个某个阿婶换走佢，d阿婶问我几次食唔食粉丝，我几次都系答唔食。最后阿婶3号拎走我碗野，隔走d粉丝，有礼貌咁拎返黎，佢话之后"6"返3只水饺俾我。故事完结。食物评语：酸辣汤过咸，豆腐"鞋"，唔用木耳但用左云耳，切到大大旧咁......亦冇其他料。水饺皮薄，包法亦合适，可惜馅料过咸。服务评语：阿婶1号明显地系"广东话有限公司"，点解唔直接揾人帮手落单？见到我地抹chairs又唔主动揾布抹。阿婶2号态度恶劣。阿婶3号一般。我对哩类食店唔会期望有好好既服务，但至少唔要入去食野要受人气。