有星味﹝Closed﹞ (已結業)

我久不久都有睇呢个网站，参考下有乜好食。寻日去完呢间食肆后，就决定必定要来写它。一入去就发觉有一家四口因为冷气机滴水，店员又忙于抹地，客人又忙于抹脚的狼狈场面，乱到我有得坐时又无Menu。我寻日系专程去试报章介绍过的班兰蛋糕同咖央多，加上好赶时间，于是只叫了呢两样食物，贪佢唔会太热，可以快点食完。等了五分钟，蛋糕来了，系o岩o岩从雪柜罗出o黎，都唔系问题，最大问题系佢用纸碟载同俾胶叉我o罗！我去美心人o地都俾铁餐具我啦，俾D诚意好唔好？好彩蛋糕味道OK，淡得o黎有D香，但食完都唔知咩叫班兰味，恕我孤陋寡闻。我慢慢食完件蛋糕后，罗定钱，谂住食完咖央多即闪，然后我左望右望，东南亚籍女店员先叫厨师整多士，无o野呀吗？落单到而家已经十五分钟了，于是我多士都唔食就闪了，亦决定以后不会再来，亦无从试佢o既咖央多好唔好食了，今时今日都仲有咁o既餐厅，不如执o左佢算啦！