火鍋英雄 (已結業)

天气开始凉又系时候打边炉 同朋友喺铜锣湾行街， 见到呢间火锅英雄派传单， 横掂都未食嘅就试下呢间啦装修好有"中国风"味道，而且位置阔落， 门口仲有酒既摆设，唔知系味老板珍藏呢 前菜: 八小碟. 当中包括有花生，莲藕，芽菜，木耳， 青瓜，猪耳等等。 有辣有唔辣任君选择。 另外呢度亦都有围裙提供，打边炉前可以著围裙，就唔使惊整到件衫打边炉梗系要饮竹蔗茅根水喇，无咁甜，岩晒我养生野生菌汤: 呢间汤入面起码有四，五种茹类。 打边炉前先试一试汤底，味道清香， 适合素食或者减肥人士。 羊肉， 上台已经闻到好骚嘅味道， 滚完食落口简直成个口都系骚咪， 难得羊肉都有呢个质数，正芫茜猪肉丸: 入面除咗有芫茜同埋猪肉之外， 另外仲加咗豆腐， 口感嫩滑即叫即炸嘅响铃，上台时仲热辣辣鹅肠，新鲜爽口面条， 劲钟意呢只咁阔嘅手工面条， 用嚟打边炉， 吸进汤底精华，口感一流猪爽喉， 即系猪嘅喉咙。 以前喺大陆做嘢成日食， 喺香港好少见。 难得呢度有嘅梗系即刻嗌啦， 猪爽喉口感爽口， 点酱汁食一流，必嗌呢间重庆火锅畀我好大惊喜， 无论系食物或者服务态度， 都好高质素，下次再嚟食