十八座狗仔粉 (已結業)

今晚我又小食当晚餐，返到屋企附近经过此店买来食下，店舖位于大街转角位好显眼，店内环境昏晚我望到都唔想入去坐，都系外卖算。买左火鸭翅、黑白炸丸和鱼肉烧卖，而狗仔粉我住望张相见啲粉几油腻唔所以唔食。火鸭翅 ($30)同一般碗仔翅味道有点分别，汤底无咁油无咁浆口味无咁重，有好多好幼的肉丝和好爽的木耳丝，食到小片鸭肉碎无咩无特别，食唔到有仿翅粉丝状物体，感觉欠啲口感，整体味道不错食完唔口干。鱼肉烧卖 ($12)烧卖有7粒，味道一般无咩鱼肉味，都系豉油味搭够。黑白炸丸 ($18)香菇贡丸及墨鱼丸各两粒价钱略贵，香菇贡丸好香咬落有肉汁；墨鱼丸味道口感也毫不逊色，都系好香丸内仲有墨鱼粒，好弹牙好有咬口，细啖细啖品尝好美味。