糖仁街 (已搬遷) 新店位置

点咗杂志上介绍既<灰姑娘>材料包括日本南瓜雪花冰底,玫瑰花蜜,红豆,宝石珍珠,三色蒟蒻.唔系好食到南瓜味,反而食到有淡淡既奶味.口感软绵有d似雪糕得黎但又食到一丝丝冰既感觉.玫瑰花味好馥陏,超甜,加埋落d刨冰度食就啱啱好.原粒红豆好有口感.宝石珍珠其实系七彩颜色既珍珠,缤纷夺目.仲好弹牙唔黏口.埋单既时候同好nice既老板娘倾咗几句. 原来佢哋所有既刨冰都加咗奶(证实我既味蕾无出错).因为唔加奶d冰太硬刨唔到. 八卦既我仲问老板娘南瓜系唔系真系日本返既,老板娘好老实话系购自city super既日本南瓜. 佢话可能呢排唔当做所以味道淡d(因为佢哋系无加香精既).ps.唔知系咪因为灰姑娘坐南瓜车,所以用上南瓜冰底呢?! 好有意境既甜品