糖仁街 (已搬遷) 新店位置

等得快既都無好結果。一坐低就被人撞..迫到pat掂pat。鮮芒紫米露。粟米多過紫米..芒果就細細個酸酸地。荳腐花無荳味...淡而無味。失望既甜品。環境都唔好得去邊

下班後8時多，附近幾間甜品店只有這裡比較靜於是膽粗了一試。想不到坐下來跟著一班人潮。芒果班戟配脫脂雪糕，英國拖肥味。外觀不錯，朋友讚好。我點了什果配芒果，椰汁冰加小Q果，超多糖但又重椰子味，有讚賞有彈劾。PS. 坐位不多又逼，想久坐是不能的。

吃過麻辣香鍋時間都還早，於是到處尋覓下一輪的店家。最後是被門口阿佘的照片吸引進去的。餐牌上圖片誘人，選擇困難症又犯了。落單後上菜速度很快，首先是朋友點的木瓜雲耳同芒果椰汁西米。都是細細一碗，好在內容算豐富，味道中規中矩。之後是抹茶雪花冰。也許是小女見識少，第一次吃到雪糕口感的雪花冰，而不是單單有味道的冰，好感度頓時上升。抹茶味都算濃，雪糕的質感就要比冰更豐富。值得一提的還有涼粉，不是凝得僵硬的那樣，用內地網絡語說來，口感就像軟妹子一樣，柔軟溫和。最後才是我的雜果班戟，雪糕配的是sweet butter walnuto。雪糕幾好味，與班戟朱古力醬的搭配非常不錯。可惜水果都乜水果味 另外就是我們在討論，沒有匙怎麼吃雪糕大家的評論都話這家價格貴，不抵食，後來想想一點不假。不過今日第一次嘗試，感覺相當不錯，大致是因為和一班志同道合的朋友在一起的原因吧。

雜果西米露($36) 生果黎講算多丫，有火龍果西瓜木瓜奇異果等等，但真心價錢都唔平-.- 入面d西米仲係煮到一舊，而且味道太過淡。芒果pancake加雪糕$60 。一個普通pancake竟然要60蚊，未食已經覺得貴，食完更加覺得唔抵。佢個底鋪左 一個雪糕，然後面頭係一大塊既pancake皮加朱古力醬加芒果粒。

剛用openrice手機app打完結果閃退再也不用手機打食評了和朋友一行四人於厚福街吃完晚飯 打算來個晚飯甜品才叫圓滿看到到處甜品鋪都大排長龍在寒冷的天氣下實在不想站在街上等決定進來這唯一一家沒有人排隊而且於吃糖水時間卻沒有幾個客人的店結果...咖啡凍豆腐花朋友A點了咖啡凍豆腐花 這位咖啡迷朋友誤會了以為是咖啡味豆腐花 原來是豆腐花上放數粒咖啡味果凍期望中的豆腐花是一碗完整的 滑滑的豆腐花結果朋友得到的是一碗感覺像是把別人吃剩的豆腐花重新回收堆成一碗的豆腐碎蓉粒朋友一看到這碗像廚餘的豆腐花便什麼胃口都沒有了味道便無可奉告了 因為朋友完全不敢吃芒果紫米露朋友B的紫米露 整碗紫米露基本上找不到紫米 朋友笑說難道自己點錯了紫米水她說幸好還有芒果是正常的杏仁露加蛋白蛋白杏仁露是我至愛吃的糖水之一但這裡的杏仁露一吃便知是粉沖的 而且粉未攪混 一吃下去成口粉味道不提也罷朋友C說自己是最幸運的因為他剛開始便說實在太飽吃不下糖水而實行齋坐政策 全程笑到停唔到 吸取教訓 終於明白為什麼會無人排隊了 下次絕對不會懶排隊了

上星期五食完海鮮餐後, 因為太早, 所以我們走左去食糖水, 諗住去厚福街,多D選擇, 見好多間, 幾間都有一些人在等位, 唯一呢間冇, 朋友又話未試過呢間, 咁就入去食啦, 選擇都好多, 對於我有選擇困難的人, 最好就係食番一D熟識的甜品, 所以就叫左楊枝甘露啦, 朋友分別都係叫楊枝甘露, 蛋白杏仁茶, 海底椰紫米露, 木瓜雪耳, 仲有係香蕉奶加焦糖雪糕.價錢都唔平的啊, 平均都要30幾蚊架, 我們的楊枝甘露來了, 顏色係較淺色的, 感覺係好多奶呀. 食落都係, 真的係好重奶味, 芒果粒粒好少, 柚子都多, 但係苦的, 唔知係咪過熟, 一句唔好食的. 朋友們說他們的甜品都OK呀, 尤其係那蛋白杏仁茶, 佢話好香杏仁味,又唔會好水咁, 有些蛋白好滑又香, 其它的都唔差的, 那紫米露, 入面有幾足的海底椰. 然後木瓜雪耳都清甜, 香蕉奶加雪糕就係直接力落杯奶底, 所以變左奶昔, 不過個雪糕都好食的.

星期六和家人一行四人晚飯後到厚福街食甜品，見糖仁街的款式頗合口味，又不需久等，有位便入座。難得有我至愛的南瓜味甜品，我便二話不說點了甚麼日本南瓜露椰汁涼粉，家人分別亦點了其他款式，包括椰汁涼粉，雪糕椰汁涼粉及紫米露，可惜實在令人失望，完全沒有南瓜及椰汁味的涼粉，淡而無味，難以入口，唯獨有雪糕的椰汁涼粉，味道全來自球朱古力雪糕，與其這樣的話，倒不如改做雪糕店還好，唯一紫米露味道還可，但以這個三十多四十元的價錢，份量覺有點迷你，完全不值。家人都認同，人生中嚐到最難以入口的甜點，就在此。

糖仁街出名食"冰"，但我今晚突然想食心太軟，所以決定試下好唔好食朱古力心太軟配雲尼拿雪糕 : 試後覺得心太軟味道一般，心太軟表面熱~朱古力醬凍嘅，可能未熟定係佢係焗左個心太軟外表再放朱古力醬呢?我就唔知啦，但唔係熱嘅心太軟食落口唔係幾好食- - 相反雪糕唔錯，夠滑又好食，佢呢度有超過20款雪糕比你揀，更可以加錢揀一D特別味道的雪糕，夠周到了吧!!!呢一間都係食完就要走，阿姐收野好快，冇得坐耐一陣~客人來去極快。。

依間甜品我已經幫襯過好多次, 當然厚福街其他甜品店如甜品工房, 甜蜜蜜我都有食過, 不過始終覺得依間整體上係最好, 因為無論你點咩甜品, 依度都係好味, 無藥水味, 都唔會漏單, 所以係我朋友們既甜品首選!講返出品, 今次叫左個朱古力PANCAKE配朱古力雪糕球, 好大份, 食完一個都飽灑, PANCAKE 煎得好薄身, 食落口唔會好粉, 帶有甜甜的蛋味, 生果係超足料, 有香蕉, 西瓜, 蜜瓜, 芒果, 火龍果, 生果料圍灑成個PANCAKE, 生果算新鮮, 芒果唔酸, 西瓜同蜜瓜都好甜好多汁, PANCAKE下面仲有一球朱古力雪糕球, 係比利時出品既雪糕, 好濃朱古力味, 比一般甜品店用唔知咩牌子, 好奶既雪糕好得多, 講真, 我覺得甜品呢D咁簡單就整到既野, 用料我覺得好緊要, 邊個用料好邊個就取勝, 俾貴少少食好D都無所謂

叫左個蜜瓜西米露同芒果黑珍珠兩個糖水都係無味既！黑珍珠都唔似黑珍珠，好碎個感覺，好假！個西米露係水黎既，食緊既時候就知道點解無咩人排隊收錢時話想分開收，佢都無咩禮貌咁話唔得！

同友人們一行9人，食完飯諗住加個甜品作結 ，有甜品食，緊係周圍行下同睇下open rice有乜推介。眼見open rice尖咀嘅推介中，擺頭位都係較貴，於是我地選擇食過嘅茶木，覺得味道有保證，性價比都高（利伸：非打手，茶木係因為我地食過且都鍾意嘅甜品鋪，閣下閱讀時就當茶木代替你比較喜歡嘅甜品鋪代名詞）但食過茶木嘅人都知，排隊好多人 我地成9個人唔等得，於是搵過間啦，就黎到呢間，一開始時無乜人，但點餐後，久久都未上，此其一價錢係甜品鋪中算中高水平，但賣相普通，味道亦如是，此其二（唔好意思，因為成9個人，我又無心機影曬，只有咁多）而家講埋服務態度，我因為口渴，又要食藥，於是要求要一杯水，鋪頭雖小，但侍應似乎魂遊太虛，遲遲都未發現我舉手，佢終於黎到，同時回覆鋪頭只有樽裝水售賣，要水只可選擇買，食藥只需一啖水，食完甜品又返歸喇，所以樽裝水對我實無必要，無水飲，fine，我禮貌示意唔要最為無禮又自找麻煩嘅係收銀 ，因為食完晚餐，大家手上只有比較大銀碼銀紙，於是友人有禮貌地同收銀講：唔好意思，可唔可以逐人收錢？點知個收銀好串講 ，我唔會同你地逐個收，你地搵人一次過比，然後再比錢我同你打散，

去尖沙咀食完飯，諗起好耐冇食過糖仁街，見到冇乜人就入去食賣相單調，但心太軟上既糖霜可能溶左，有點大足。用既雪糕係Glacio,雲尼拿雪糕球見到有雲尼拿籽，味道唔錯。雖然蛋糕好細舊，但係岩岩好唔會好膩。不過如果雪糕多小小會更好，因為大部份都係流質，所以用一隻長碟都唔太方便。其實味道真係幾好，唔會太苦，焗得好好，但係貴左啲呢個有啲甜，但都係基本穩陣既糖水

厚福街越來越多甜品舖進駐，慢慢形成一片甜品集中地，除了眾所周知的甜品工房，還有甜蜜蜜、糖仁街、奧格司窩夫專門店和新開業的Sugar Land。由於剛剛吃完韓式烤肉，想吃碗清熱的綠豆沙，看見只有糖仁街有位子，所以便入內。從粉紅粉藍的裝潢看來，店子主攻年輕人市場，大賣中西式甜品，還特別採用比利時雪糕品牌Glacio，用來配搭心太軟、布朗尼、香蕉船、pancake等特色甜品，跟餐選指定口味(3選1)一球$6，跟餐轉其他口味一球加$16，如果在K11的Glacio專門店買，單球已經賣$30，所以怎樣計都是這邊比較優惠。本次點了楊枝甘露涼粉，可選加椰汁或花奶。我們選了前者，端來的時候發現，椰汁並非淋上去，而是攪拌在一起。涼粉疏疏落落，份量很少，質感柔軟仿如啫喱，跟以往小時候在街市吃到那種結實Q彈的口感並不一樣，味道亦有差，既不是薄荷也不是龜苓膏，感覺怪怪的。配料中芒果粒又酸又甜，配上甘澀的西柚肉，感覺普通。另一款秘製海帶臭草綠豆沙，溫度非常滾燙，差點燙傷舌頭。說到臭草，其實一點也不臭，甚至很香，它有清熱解毒治濕疹的功效，不過店方除了臭草，還加了綠豆和海帶，三種全屬寒性，似乎過份刺激，並非人人受得

尖沙咀厚福街有三間吃糖水和甜品的小店。最老的甜蜜蜜、新開的甜品工房門外，總是大排長龍。反而這間糖仁街，有時候會見到吉位，先入為主下就覺得「似乎不好吃」。幾日前同朋友在尖沙咀食完晚飯，見時間尚早，所以去食甜品。基於另外兩間店的等候時間太長，決定一試糖仁街。不過，這晚人流很旺，連這兒都要等近十分鐘，但至少比隔離兩店的遙遙無期好。病還沒完全康復，能吃的選擇不多，最後叫了杏仁茶加蛋白。吃起來又幾夠香滑，不是想像中差。甜甜的味道不過火，幾討好，杏仁味不突出但及格。其他朋友叫了心太軟、雪花冰等等，大致都覺得 OK。　　總體來說，食物質素 OK。就算別的店再好吃，如果要等半小時以上，最怕等位的我寧願光顧這兒。關於客人量少的問題，我和朋友覺得是錢作怪。皆因這兒的食品偏貴，閒閒地比普偏甜品糖水店貴上五至十元。性價比方面不太高。

Reason for visiting: 友人要求食甜品。環境及衛生：環境有d迫，出入有d難度，但環境衛生眼見okay!服務：服務員態度良好。好有耐性咁等猶豫不決的友人J做決定。味道及價錢：我無試三個朋友嘅order,所以只能為我點嘅凍海底椰紫米露+豆腐花（$30）作評價。講真以$30來講,size small and 味道真係好普通。佢唔太甜係好，但佢無味。朋友話佢地個d都好普通。Final Verdict:唔會再去。