手卷屋 (已搬遷) 新店位置

有一日接男朋友放工，佢带我去搭shuttle bus去左蓝田地铁站。落车忽然有啲肚饿，谂起以前见过有啲facebook page介绍过呢度有间手卷唔错就揾下系边。系汇景广场入面揾左好耐先揾到，旧式商场有时真系好似迷宫咁间舖头比较唔显眼，大家要畀少少耐性揾~~个舖头系咁样既~~几经辛苦黎到当然就要食返我最爱既软壳蟹手卷先。正正常常，啲紫菜都脆，份量都ok，不过只蟹食落感觉同其他地方唔同，可能炸法唔一样~另外见啲人介绍个厚烧玉子，所以都叫黎试下好正呀! 一咬落去旧蛋同入面啲饭，个感觉好满足佢个酱同蛋黄酱烧完之后好惹味!下次再经开既话唔食手卷都要encore呢个玉子先得