潮庭 (新城市廣場) (已結業)

服务混乱: 服务人员不断问上左乜嘢点心。上菜𠮶个又唔会删除上咗d乜。我哋𠮶枱叫咗蛋挞，食食下，𠮶姐姐走过嚟问我哋有无叫蛋挞，因为隔离枱有碟蛋挞未上（我地有叫）。根本佢上菜𠮶系统就系无系统。任𠮶客人讲有乜未上，厨房楼面又唔一早mark上咗乜，搞到鬼咁乱。地下又污糟，一入去就见到有纸巾，用完嘅点心纸系地下。𠮶带位都唔望下张枱企唔企理。侍应上菜又唔讲嘢，木口木面放低转身就走，我讲唔该仲多过佢讲嘢。谭仔阿姐上菜都会讲下系乜嚟啦。上菜嘅侍应又唔收返d碟。叫d侍应加返d滚水，佢d厨房同事劲大声讲: 下，仲加水呀？乜料呀，我餐茶饮咗一个钟咋！嘢食味道几好，装修都ok，唯独系d人d服务十分唔ok。