炑八韓烤 (黃大仙中心南館)

营业中

休息中

今日好想食烧肉，所以黎到黄大仙中心嘅炑八。餐厅环境宽敞，抽风系统做得唔错，入到去都无局促同油烟味。烧肉店价钱仲好大众化，平至几十蚊就有个套餐。一坐低，侍应就自动送上韩色前菜。 泡菜、豆芽、腌萝卜、青瓜、薯仔沙律。炉边芝士栗米同泡菜蛋系无限任添，好正。月见芝士和牛汉堡套餐 $58和牛汉堡采用咗日本牛肉，先将和牛汉堡煎至 自己钟意嘅程度，将汉堡放上饭上面。之后将芝士放上面，再加上新鲜嘅蛋黄。汉堡啖啖肉，咬开肉汁丰富，加上半融化嘅芝士、蛋黄同酱汁，又令汉堡增添顺滑口感。牛肋骨套餐 $208原条牛肋骨好吸精，因为长度有我手臂咁长。牛肋骨用上酱油腌制，将两边微微煎香，入口味道甜甜地，肉质柔软，牛味浓郁且多肉汁，真系可以食多几碗饭。推荐。加配咗3款烧肉，每款只系 $48葱蒜鸡腿肉 $48鸡腿肉肉质嫰滑，配上葱蒜，好食。葱蒜牛五花 $48肉质虽然冇牛肋骨咁柔软，但油花丰富，食落香口。猪肋肉 $48猪肋肉口感爽脆，烧肉仲可以包生菜食。手打鲜橙茶 $48士多啤梨果茶 $48夏日炎炎食烧肉，最啱饮颜色鲜艳嘅水果茶。用上新鲜水果制成，内里大量果肉，酸酸甜甜好清新。