翠林辣蟹舫

睇到哩间网红蟹店，宜家做紧promotion，炒蟹同埋部分菜式做半价优惠，每个月仲会更新菜式，咁一定要试试啦。餐厅环境唔错，古香古色，估唔到楼上铺都坐满7成，几旺下。水蜜桃咕噜肉，咕噜肉一口大小，先油炸再用甜酸酱爆炒。食落皮脆肉嫩，酸甜酱汁同猪肉好夹。避风塘炒蟹（少辣），menu写清楚，系用斤2两蟹制作。螃蟹斩成细件，连钳子都敲碎埋，食落唔会好辛苦。蟹肉鲜甜嫩滑，一食就知道用新鲜蟹制作。大量蒜蓉辣椒爆炒蟹肉，唔会遮盖蟹肉鲜甜味，食落反而更加惹味。虾干香芋娃娃菜，好特别嘅娃娃菜做法，用虾干吊出汤底鲜味，再落入香芋增加甜味。娃娃菜本身已经好清甜，再用特色汤底煲制，食落更加爽脆鲜甜。食神炒饭，用料极其丰富，饭同配料简直1：1.。除咗鸡蛋，落咗大量虾仁，菜心，鱼籽等配料，仲要摆咗条鲤鱼形状，好得意。炒饭炒到好干身，米饭粒粒分明，每一啖都食到好多配料，鱼籽仲添加咗爆珠口感，真系好味。