炭火地雞

营业中

休息中

炭火地鸡曾经系我最爱嘅串烧店，钟意佢食物嘅炭香，高质得唻又唔好好似最高价嘅日式串烧店咁拘紧。但系寻晚再返去，炭火地鸡已经唔同哂。最重要嘅系，炭火地鸡已经唔再系用炭火，改咗用电炉。餐牌价格全部向下调，有啲低至$10一串，但系同时所有用料质素亦都下降，以往嘅名物「熟成鸡腿肉」已经无咗。加入咗好多港式串烧，餐厅方向变咗大众化。老实讲，已经变到同其他港式串烧店无分别。询问店员，话系最近一个月嘅改变。 相信都系之前嘅方向生意难做，唯有改变求出路。我暂时都唔会再返去，希望佢哋可以挨过呢一关，迟啲变返以前嘅炭火地鸡。