影片
更多
2019-11-30
1760 浏览
位于石门o既呢间西餐厅，楼底好高，开扬度高，以绿白色为主调，带点田园气息；因应就o黎圣诞，挂上o左少少节日装饰。除o左有长台方便一大班人之余，仲有d 圆形卡位，俾我地坐得亲密d sweet sweet……餐厅有多个国家多种生蚝，其中六款仲做紧买一送一。虽然我地无叫到，但仍然试o左客招牌蚝汤($68 未加一)。个汤呈灰绿色，质地creamy 浓稠，蚝味尤其重，相信几足料熬制，鲜甜之中唔会过咸。跟汤搭上一小片蒜蓉法包。前菜谂过叫parma ham 配哈蜜瓜定烟三文鱼，最后都系决定嗌碟烟三文鱼配蕃茄莎莎($78)。滑滑o既smoked salmon，上面o既莎莎酱以蕃茄、洋葱粒等同香草制成，整体味道酸甜，口感清新。朋友钟意锯扒，点o左一份炭烧纽西兰肉眼($248)。大块厚身，闻落好香炭烧o既bbq 味！外面烧成吸睛o既横纹，里面因为叫medium rare，自然十分松化。佢无其他餐厅整通常连带一大旧肥膏，果真啖啖肉。一啖咬落去，牛稣味游走齿颊之间，大满足！块扒下面有住薯仔、露荀、粟米仔等o既配菜，仲附上黄芥辣，辣度甚高……龙虾汁海鲜意大利饭($168) 一如menu 图中所示，都算几多𩠌，有
餐厅有多个国家多种生蚝，其中六款仲做紧买一送一。虽然我地无叫到，但仍然试o左客招牌蚝汤($68 未加一)。个汤呈灰绿色，质地creamy 浓稠，蚝味尤其重，相信几足料熬制，鲜甜之中唔会过咸。跟汤搭上一小片蒜蓉法包。
招牌蚝汤 ($68)
46 浏览
0 赞好
0 留言
前菜谂过叫parma ham 配哈蜜瓜定烟三文鱼，最后都系决定嗌碟烟三文鱼配蕃茄莎莎($78)。滑滑o既smoked salmon，上面o既莎莎酱以蕃茄、洋葱粒等同香草制成，整体味道酸甜，口感清新。
烟三文鱼配蕃茄莎莎 ($78)
39 浏览
0 赞好
0 留言
朋友钟意锯扒，点o左一份炭烧纽西兰肉眼($248)。大块厚身，闻落好香炭烧o既bbq 味！外面烧成吸睛o既横纹，里面因为叫medium rare，自然十分松化。佢无其他餐厅整通常连带一大旧肥膏，果真啖啖肉。一啖咬落去，牛稣味游走齿颊之间，大满足！块扒下面有住薯仔、露荀、粟米仔等o既配菜，仲附上黄芥辣，辣度甚高……
炭烧纽西兰肉眼 ($248)
41 浏览
0 赞好
0 留言
龙虾汁海鲜意大利饭($168) 一如menu 图中所示，都算几多𩠌，有两只青口、虾、鱿鱼圈、带子同d 细螺肉混o系入面。橙色o既龙虾汁沾满每粒饭，系几惹味，如果d 饭粒可以再硬身番少少会更好。
龙虾汁海鲜意大利饭 ($168)
30 浏览
0 赞好
0 留言
想讲，呢间餐厅除o左seafood 正之外，佢d 甜品都好鬼吸引，一路食见住隔离台一路上住唔同款式造型o既甜品，真系睇到人流晒口水！其中最特别莫过于我地叫o既呢个烩车厘子金宝脆脆配杂莓及雪糕($78)。
烩车厘子金宝脆脆配杂莓及雪糕 ($78)
25 浏览
0 赞好
0 留言
用大酒杯盛载，里面o既雪糕同生果堆砌到好似一个盆景咁；就o黎圣诞，又令人联想到o个d 飘雪水晶球，色彩艳丽，影相o厄like 一流！上面封住o既系一层用蛋白造o既脆脆，食o既时候要先敲碎，有得食有得玩，而且碎裂o左之后又系另一个景色，真系几推介。车厘子同d berries 又系少少酸多多甜，雪糕更加系movenpick o既出品，质素绝对有保证！
烩车厘子金宝脆脆配杂莓及雪糕
24 浏览
0 赞好
0 留言
张贴
