影片
更多
2022-08-24
569 浏览
呢排工作忙碌，特别钟意放工后去居酒屋食yakitori！去咗炮台山呢间主打烧鸟嘅六本·虎居 ，小店开业不久已经好有口碑。小店位置唔多，得4张餐枱+少量吧台座位，平日都非常爆场，所以一定要提早订枱！两个师傅会喺面前烧烤，令人有一种身在日本当地串烧店嘅感觉，点咗一杯柚子酒小酌一番，好有风味！🍢烟熏鲣鱼 $168🍡火炙海胆鱿鱼卷 $168🍢炙烧脑天 $168🍡鸡冠 $62🍢鸡胸 $58🍡鸡胸$58🍢七里香$62🍡小青椒 $38🍢甜薯 $48🍡豆腐 $38🍢广岛蚝$65🍡盐烧牛舌$58🍢紫苏鸡皮虾卷 $68🍡明太子御烧饭团 $38🍢三文鱼御烧饭团 $38🍡鸡清汤 $48呢度嘅重点自然系鸡串烧，小店选用本地新鲜三黄鸡取替日本鸡，新鲜鸡确实味道同肉质都更好，鸡胸好香鸡味！七里香即系鸡patpat，其实平时我系完全唔食鸡patpat，但见到网上咁多人推荐又咁特别就点咗一串试下，点知真系好有惊喜！唔单止完全唔膻，反而油脂甘香，咬落juicy，好正！鸡冠都烧得啱啱好，口感爽脆又唔韧！另外，紫苏鸡皮虾卷都要一试，鸡皮烧至金黄香脆，包住弹牙嘅大虾，配上紫苏叶独有嘅香味，香而不腻！除咗串烧之外，呢度都有刺身及
去咗炮台山呢间主打烧鸟嘅六本·虎居 ，小店开业不久已经好有口碑。小店位置唔多，得4张餐枱+少量吧台座位，平日都非常爆场，所以一定要提早订枱！
两个师傅会喺面前烧烤，令人有一种身在日本当地串烧店嘅感觉，点咗一杯柚子酒小酌一番，好有风味！
🍢烟熏鲣鱼 $168
🍡火炙海胆鱿鱼卷 $168
🍢炙烧脑天 $168
🍡鸡冠 $62
🍢鸡胸 $58
🍡鸡胸$58
🍢七里香$62
🍡小青椒 $38
🍢甜薯 $48
🍡豆腐 $38
🍢广岛蚝$65
🍡盐烧牛舌$58
🍢紫苏鸡皮虾卷 $68
🍡明太子御烧饭团 $38
🍢三文鱼御烧饭团 $38
🍡鸡清汤 $48
呢度嘅重点自然系鸡串烧，小店选用本地新鲜三黄鸡取替日本鸡，新鲜鸡确实味道同肉质都更好，鸡胸好香鸡味！七里香即系鸡patpat，其实平时我系完全唔食鸡patpat，但见到网上咁多人推荐又咁特别就点咗一串试下，点知真系好有惊喜！唔单止完全唔膻，反而油脂甘香，咬落juicy，好正！鸡冠都烧得啱啱好，口感爽脆又唔韧！另外，紫苏鸡皮虾卷都要一试，鸡皮烧至金黄香脆，包住弹牙嘅大虾，配上紫苏叶独有嘅香味，香而不腻！
除咗串烧之外，呢度都有刺身及卷物，最估唔到系呢度连高知名物－烟熏鲣鱼都有！师傅喺席前打开玻璃盖，未食已经闻到阵阵烟熏香。 鲣鱼切得厚身，师傅用大火将鱼肉烤至半生熟，食落肉质柔软，喺烟熏香嘅衬托下，鱼味仲更加突出，酱油渍蒜头都好食！
是晚仲有罕见嘅脑天，即系鱼头顶部位，见到当然唔可以错过啦！脑天鱼油丰腴，火炙后迫出油香，入口即溶！
火炙海胆鱿鱼卷好特别，爽口弹牙嘅鱿鱼包住鲜甜嘅海胆，口感同味道都更有层次！
鸡清汤每啖都系精华，入口好鲜甜！以鸡汤作结，暖胃又暖心。
小店服务都好殷勤，会留意客人食嘅速度而调节出餐，好细心！
张贴
