究極堂 (蜆殼街)

营业中

休息中

前排同老板喺炮台山见客，成功倾到单生意，所以佢话带我喺附近食日本嘢庆祝下㖞！佢左带我黎「究极堂」，位于炮台山地铁站附近，非常方便。餐厅装修几有居酒屋嘅风味，环境几阔落，坐得好舒服！老板话佢上次嚟食过，佢觉得呢度嘅卷物好出色，所以就叫咗两款：四重芝士炸虾卷：芝士味好香浓，里面嘅炸虾非常弹牙，而且卖相好吸引，果然系好正嘅卷物！黑松露牛油果软壳蟹卷：我好钟意食炸软壳蟹，而呢份卷物就将软壳蟹发挥到淋漓尽致，配合埋牛油果，令到口感更加有层次！忌廉薯饼：细细份，炸得好香脆，系小食嘅好选择！粟米汁焗牛油帆立贝：由于即叫即做嘅关系，需要等比较耐，但系等待都系值得嘅，因为啲帆立贝好鲜甜，而且真系好香嘅粟米味，正！和风炒杂菜：健康之选，唔会好油，而且都有好几款蔬菜一齐炒。蟹棒寿司系老板叫嘅，佢话都唔错！迷你鳗鱼饭拼牛肉乌冬：份量啱啱好，鳗鱼饭个汁好惹味。牛肉乌冬嘅牛味十足，乌冬面都几弹牙。