同撈同煲 (堅拿道西)

营业中

休息中

听朋友仔讲呢间喺九龙城超级出名，主打港式火锅，另有好多特色食物，例如怀旧炸物、港式点心、整体感觉都几唔错。店内环境几大，座位阔落，坐得舒适，平日晚上都几多客，证明有料。我哋要咗个鸡煲，店员会落酒然后点火，好香，鸡肉带咬口，骨位更嫩。跟住食火锅，竟然唔系落水而系汤！我就钟意将炸物滚几秒再食，老友鬼鬼、手工炸鱼皮、即炸响铃等，全部自家制，热辣辣脆卜卜，最紧要唔油！另外有椒盐豆腐、椒盐鸡软骨、妃子笑同酸姜皮蛋，会话呢度嘅小食款色相当出色，可以考虑开间炸物小食店😂 食完仲有甜品，系啫喱杯同埋糖不甩，两款都好怀旧，甜甜地好好味。