金泰子泰國餐廳

营业中

休息中

最近总系口淡淡冇咩胃口，今日接完男朋友收工就系附近揾下有咩想食，见到有间泰国野好啦试下啦，酸酸辣辣都开胃呀。一排三铺连住都系金泰子嘅店，环境企理简洁并且难得地光猛（唔知点解好多泰国餐厅都好黑），几幅挂画点缀墙壁，整体舒服。餐牌都几多野拣，想食虾饼但见多30蚊有拼盘仔可以试多d野，最后叫左迷你拼盘、柚子沙律、冬荫香草虾炒饭同椰汁冰。光速上枱系椰汁冰，男朋友系椰汁怪，去亲食泰菜必然饮椰汁冰，呢杯佢大力推荐要我饮啖（虽然我唔好椰汁)，浓味，唔系椰汁水咁又不至太浓稠，唔会未食先饱，热爱椰汁可以饮！柚子沙律好大碟，柚子好多汁唔会干争争，配上虾皮、干葱、冇油膱味(好重要!)嘅花生、炸蒜片，酱汁酸酸甜甜微辣够开胃。最下面块菜唔好浪费，吸哂啲汁好惹味！冬荫香草虾炒饭炒得干身有镬气，虾够爽，少辣，怕辣人士都OK。迷你拼盘拣左春卷、鸡肉丸同虾饼。一致觉得金泰子炸物好出色，炸完放到尾都冇出油，表面好干身！真系唔系间间做到！春卷内馅有淡淡咖哩味、有粉丝、红萝卜、冬菇等等，好似春卷版的咖哩角。鸡肉丸有惊喜，原本以为系一粒粒鱼蛋咁样，原来系棋子状。表面有腐皮(?)，里面系鸡肉、冬菇、粉丝，味道有啲似丰富版麦乐鸡，