星洲名廚 (已結業)

终于食咗呢间朋友成日狂推嘅星洲名厨😂 每次佢都会话呢度个炸猪扒有几惊为天人，咁啱当晚九点几响附近，周围想食嘅都收哂，就索性入去试下啦🙈三条友两个叫猪扒一个叫鸡扒，虽然鸡扒比猪扒平两蚊，份量差成倍，鸡扒得一块仔切五六件，猪扒就叠成两层八九件咁，明显抵食好多，味道方面虽然话系香茅鸡扒饭系完全冇香茅味，系几嫩滑但普通鸡扒啰，而猪扒就真系几好味，厚切啖啖肉，炸得香口得嚟又够软腍，软腍得嚟又有弹性，点埋个酸汁食又解咗个油腻感✨至于饭面，煎蛋饭系绝对揾笨，只蛋煎到封哂边咁好似几靓，但好细只又好颓咁，俾多一蚊隔离成大兜咖喱，相比之下颓感更甚😂而咖喱就真系几真材实料咁，嗜辣必选但我试咗啖就顶唔顺，佢仲要唔系死辣，而系入口时得香料味唔觉辣，然后隔几秒啲辣劲先至随后爆出嚟，朋友好似食得咁过瘾我就唔得啰😂我个黑豉油捞丁唔错，系油咗少少，不过食前真系要捞匀啲先食，开头嫌佢唔够味，食到最尾好重味🙈btw佢个老火例汤几好饮😛