PURADAK CHICKEN (金巴利街)

营业中

休息中

呢间被称为炸鸡界贵族嘅韩国过江龙品牌，由韩国人主理，部份厨师更专程到总部学烹调秘技。除咗炸鸡之外呢度亦有多款韩式料理，店内环境简约，黑白设计，价钱合理，可以一试。炸鸡以先焗后炸嘅方式烹煮，口味众多，要咗原味，外皮炸至酥脆，肉质鲜嫩，锁紧肉汁，食完都唔觉得油腻，份量好多，适合多人分享。炸猪排定食反而有惊喜，比得过炸猪排专门店，金黄酥脆，炸皮薄，肉质嫩滑，入口即化，上面沾上酱汁，甜甜哋，浓稠度适中，配饭一流。芝士鸡蛋卷好长一条，厚厚一层，带鸡蛋香气，芝士味唔算好出，调味偏淡，主要用上面嘅沙津同番茄酱调味，配上满满沙律菜丝，感觉健康。