PURADAK CHICKEN (將軍澳中心)

营业中

休息中

呢间炸鸡上个月喺韩国食过，估唔到小朋友认得，行街嘅时候见到即刻话想入去食，就睇吓香港同韩国食有冇分别。我哋叫咗炸鸡有两个口味，一个系紫菜口味，一个系甜辣口味，炸鸡全部即叫即炸，甜甜辣辣真系好开胃，果然同喺韩国食冇太大分别，炸完之后都系外脆入面啲鸡充满肉汁，好惹味。紫菜味炸得比较干身，不过有阵阵嘅紫菜味，好香但唔辣，小朋友食到津津有味。小食除咗叫咗炸芝士条，另外仲叫咗个韩式寿司，同埋黑酱炒年糕，韩式寿司唔同日本寿司，唔使点豉油都好够味。炒年糕超大份，好烟韧好有口感配埋佢哋独有嘅黑酱，少少辣，但系味道好特别，真系好好味。