PURADAK CHICKEN (奧海城三期)

营业中

休息中

呢间炸鸡店刚刚进驻香港嘅时候曾经引起一阵骚动，每逢食饭时间排队嘅人龙长到不得了。估唔到时间飞快，原来佢哋奥海城呢间分店都已经开业一周年，终于揾到去食呢间韩国炸鸡界嘅名牌店。呢度最出名食炸鸡，虽然得两个人，但系为咗试多啲味道，都嗌咗两份半半炸鸡，一次过试晒四款味道！🤣有酱汁嘅炸鸡分别嗌咗秘制黑炸鸡同埋辣卡邦尼年糕炸鸡。黑酱油味系佢哋嘅招牌，咸咸甜甜嘅味道平衡得好好，而且仲配上咗香脆嘅炸蒜片，香脆嘅口感系口中爆发；辣卡邦尼年糕炸鸡可以一次过满足咗食年糕同埋炸鸡嘅愿望，而且韩国辣酱配卡邦尼汁不嬲系韩国食品嘅招牌酱汁，卡邦尼汁大大降低咗辣度，所以小小辣味但又够惹味！干身嘅炸鸡就嗌咗Corn so amazing，呢款我觉得最好食，香甜嘅粟米粉令到炸鸡同埋粟米嘅味道升华到另外一个层次，而且因为系调味粉嘅关系，所以炸鸡仲系keep住好香脆，唔会俾啲酱汁浸到腍咗；另外一款就嗌咗紫菜脆脆炸鸡，呢一款仲有一片片韩国好出名嘅紫菜脆片，韩味十足。整体嚟讲呢度嘅鸡脂肪含量比较少，所以一啲都唔肥腻，而且用咗鲜焗后炸嘅方法，所以外皮系超级香脆，不过与此同时可能因为煮嘅工序多咗，就会偏干少少，不过捞埋啲酱汁一齐食，