반찬앤쿡 Banchan and Cook (東薈城名店倉)

营业中

休息中

去东涌行outlet顺便食埋晚餐，行到3楼见到Banchan & Cook门面装修唔错，入面座位宽敞就决定食呢间！一打开menu睇到有个‘’尝吃套餐‘’啱晒2个人食，有小食，主菜，甜品同饮品，唔驶谂食咩，就叫呢个啦！玟瑰酱芫茜大虾蛋包饭肉酱牛胸肉蛋包饭🍴侍应即席切开蛋包饭上面个蛋，过程治愈；炒饭底有红萝卜同翠肉瓜材料丰富，夹埋啲蛋一齐食口感一流。炸鸡拼盘（原味，芝士，蜜糖炸鸡）🍴炸鸡即叫即炸，上到台仲系超热，外层脆卜卜，入面鸡肉有丰富肉汁，正！🍴炸鸡共有6只口味可选，叫呢款拼盘可选3只口味。原味食得到鸡肉原汁原味道，芝士味面层嘅芝士粉好啱芝士控，蜜糖炸鸡系我最爱，食落甜甜哋同炸鸡好夹。甜品：甘笋Oreo慕丝蛋糕🍴盆栽造型嘅甜品，好啱打卡，面层Oreo整到好似泥土一样，外型已经攞满分！🥤焦糖脆脆鲜奶咖啡🥤青拧梳打🍴食饱饮番杯跟餐自选冰冻饮品，解喝又透心凉。