星海．譽宴 (The ONE)

营业中

休息中

今日请了半天假，同屋企人去尖沙咀饮茶加SHOPPING ，我哋拣咗间The ONE上层的酒楼。一入到去个场好大，两边有超大落地玻璃我望到270度海景，还可出露台观赏，我估夜晚可欣赏幻彩耀香江和大时大节的烟花，好适合婚宴和公司节春茗。叫咗特色点心和甜品，价钱公道，下午茶时段有优惠。金沙鲜鱿鱼有别于一般炸鱿鱼，加咗咸蛋黄炒，增添层次，好惹味。味菜胡椒猪肚煲份量十足，食到好多猪肚，爽口，洗得好干净腌味，汤都饮埋，唔错。星海虾饺皇大大粒虾，好鲜味，虾饺唔会黐牙，饮茶必叫。陈皮山竹牛肉球加咗陈皮多咗一份层次，牛肉味浓唔会太多粉浆雪山黑毛猪叉烧餐包用咗黑毛猪，肉质比较实净，加上雪山做外皮，好香脆。莲蓉蛋黄大蟠桃超大只一笼一个，莲蓉好香滑，蛋黄好靓有少许流心，唔错。碧玉鲜虾肠粉多咗翠玉瓜在肠粉内，除咗颜色靓咗，亦都多咗一份爽脆口感。椰汁鲜奶炖桃胶（热）临尾食返个甜品滋润一下，超多桃胶，鲜奶香滑也加了一份椰香，甜度适中。