蒸廬

营业中

休息中

见到同事午餐食完点心，搞到心郁郁好想食，之后收工去咗蒸庐呢间餐厅，舖头系用ar code落单好方便。 晶莹虾饺皇粒粒都好大粒，要分几啖先食得晒，啲虾饺皮好薄一啲都唔厚，虾肉馅料饱满。云石芝麻包无谂到个包咁出色，一搣开啲芝麻馅流晒出嚟，好浓郁嘅芝麻味，超正！忍唔住食咗两个🤣，好值得一试👍🏻，推荐推荐！牛肉球牛肉肉质嫩滑，食落带点爽口弹牙。秘酱蒸凤爪好入味同够淋身，而且味道啱啱好，唔会太咸。鲍菇虫草花绵花鸡鱼肚吸晒啲汁好入味，鸡肉几嫩滑，菇好大旧，虽然份量唔算多，但几好食，唔错！蟹籽烧卖皇同虾饺一样整得好大粒，肉味几鲜甜，而且里面嘅虾好足料，钟意食点心嘅你一定试试。