星點心專門店

营业中

休息中

好耐都无来过宋皇台，九龙城呢边啦！今日陪朋友过来处理D野，突然想饮茶，但又唔想去D酒楼，就上网揾下，见到附近有呢间，见到门口装修都几靓，比较新式，入面嘅环境都比较舒服，因为过咗食饭时间又唔使等位，所以所以一入去就可以点嘢食啦，入去就点咗星点虾饺皇，鲜虾烧卖皇，香脆虾春卷，香煎萝卜糕，蜜汁叉烧肠，全部点心都真材实料，虾饺烧卖啲虾都大只弹牙，香脆鲜虾卷个馅都做得好好，入边啲料都好丰富，虾滑弹牙，香煎萝卜糕两面金黄，萝卜清甜，配上个辣酱一流。虾饺个皮都值得一赞，唔会好似某啲酒楼咁样，皮一夹就烂，起码个皮都有个烟韧喺度 。呢间唔错，下次去宋皇台都要食返呢间。