影片
更多
2013-08-28
34 浏览
啱啱喺会展睇完新城音乐会, BB话既然过左海, 就不如试下呢间近日红爆既一兰拉面。谂住都成夜晚11点, 应该会少人D挂.......去到门口见到条人龙, 都好似唔系好长啫....点知谂住排队时, 有一兰职员走过黎话, 呢度唔队尾, 要行到去街尾果度先系队尾 ...唔系呀化~!街尾? 我望都望唔到㖞....原来中间有地舖装修紧要整机器, 为左条人龙唔好阻住人做野, 条队被迫断开两节, 幸好亦有一兰职员维持秩序,防止有人在两节队中插入。唉~原来我地算漏左今日系Happy Friday , 星期五晚就梗系多人出黎玩...一场黎到, 咁夜又唔知转咩场好...唯有等下啦.........(当然系愈等愈后悔唔一早走)等左一个钟, 终于由尾节龙, 跳升到头节龙。升上头节龙时, 一兰职员派左两张飞仔俾我队,,,都系用黎防止人插队架喇,,,张飞仔又细张又冇号码, 即系又要继续企喺度等。最后差不多用左两个钟头既时间, 先入到坐。入到去见到好多吉位 , 仲乜咁多位都唔拿拿声叫人入黎坐...原来佢地人手唔够,叫唔切,,,所以D人要喺出面等咁耐, 唔怪得条龙郁得咁慢啦。一坐低, 就觉得冷气唔够冻, 我地喺出
去到门口见到条人龙, 都好似唔系好长啫....点知谂住排队时, 有一兰职员走过黎话, 呢度唔队尾, 要行到去街尾果度先系队尾 ...唔系呀化~!街尾? 我望都望唔到㖞....原来中间有地舖装修紧要整机器, 为左条人龙唔好阻住人做野, 条队被迫断开两节, 幸好亦有一兰职员维持秩序,防止有人在两节队中插入。
唉~原来我地算漏左今日系Happy Friday , 星期五晚就梗系多人出黎玩...一场黎到, 咁夜又唔知转咩场好...唯有等下啦.........(当然系愈等愈后悔唔一早走)
等左一个钟, 终于由尾节龙, 跳升到头节龙。升上头节龙时, 一兰职员派左两张飞仔俾我队,,,都系用黎防止人插队架喇,,,张飞仔又细张又冇号码, 即系又要继续企喺度等。
最后差不多用左两个钟头既时间, 先入到坐。入到去见到好多吉位 , 仲乜咁多位都唔拿拿声叫人入黎坐...原来佢地人手唔够,叫唔切,,,所以D人要喺出面等咁耐, 唔怪得条龙郁得咁慢啦。一坐低, 就觉得冷气唔够冻, 我地喺出面企左两粒钟, 入到黎冷气唔够, 仲要俾D射灯射住,,,死得!
即刻开佢个水龙头饮返几杯冻水降下温先~
呢度得一款面拣, 咁例牌都系叫佢个出晒名豚骨拉面啦~~~BB话排左咁耐, 个面梗系要加半个面底, 加一个面就$19, 加半个面$15 ~~我呢D咁精打细算既GF 就梗系叫BB加足一个面底,两个share 食咪得啰~分甘同味仲sweet 呀~~另外, 我加左只盐水半熟蛋。张order 纸可以俾客人根据自己既口味去拣, 我拣左: 浓度-超浓 , 油腻度-普通, 软硬度-普通, 秘制酱汁-普通, 再要1分香蒜 , 加白葱, 叉烧梗系要啦...傻架咩,仲问要唔要...唔要咪乜𩠌都冇。
等左一段时间...个面终于黎喇~~~即刻影张相先!
第一, 饮啖汤先, 真系好浓,但饮得太多会觉得咸， 虽然油腻度拣左普通 , 但都有少少油腻。第二, 咬下个面, 个面都冇乜特别啦, 软硬可以自己拣。
第三, 试下个秘制酱汁, 应该系中间红色果劈酱, 辣辣地都几夹味,,,奈何本人食辣程度低, 觉得愈食愈辣
第四, 试叉烧, 得两片咁少,仲要咁薄,,,D叉烧好瘦, 咁佢又唔鞋唔un既, 不过唔够淋啰
第五, 试下个盐水半熟蛋, 我用筷子将蛋cut 开一半, 见到里面个黄溶溶地~卖相相当吸引 , 一咬落去软绵绵, 口感不错, 原来系冻既, 同埋食唔到有盐水味,不过$12只蛋都几贵。
整体黎讲系好食既, 但唔值得排咁耐, 除非唔驶排队, 否则都唔会再食。
题外话/补充资料：
好食系好食, 但唔值得等咁耐, 又唔派筹, 想行开一阵都唔得, 加上天气又热, 企喺条街一阵都出晒汗啦。搞到身水身汗先食碗面, 真系乜野mood 都冇晒。我宁愿食一风堂, 味道也很不错, 起码会派筹, 就算行开左睇下野都得, 如果张筹就到你, 仲会有电话提示。
(以上食记乃用户个人意见 , 并不代表OpenRice之观点。)
张贴
