紅樹林餐廳 (已結業)

今日朝早谂住同乐乐去大鸡大食早餐，点知哎呀．．．佢开12点钟（星期日），佢腰又痛... 都系唔好周围去，明知红树林系差（初开业帮衬过两次，一肚火），但系心谂，我都系入去食个早餐姐，．．．煎只蛋都唔会难食得去边啦，于是搏一搏，实在唔想拖住个男朋友四围走啦。行入去，冇人招呼，自己揾完位，有人送上ｍｅｎｕ，但系冇水比我地，要我地事后开声要．．．（服务分扣一）落完ｏｒｄｅｒ后，餐具送上黎，污糟！！！好似冇乜点洗（卫生扣一）我地要左两份差唔多既早餐，我：猪扒炒蛋，茄汁豆薯容，好立克乐：鸡扒炒蛋，茄汁豆薯容（著饼冇货．．．九点几就冇货？服务扣一），奶茶先黎上两旧餐包，微暖，牛油刀只比一把（仲要好污糟，上一手ｄ牛油仲痴０系度，卫生扣一），我觉得要等佢用完我先可以「茶」面包，好唔方便．．．（服务分，倒扣一），因为我唔系一次过茶哂，我系一边ｍｅｅｔ面包一路茶牛油。我份早餐送黎：成份早餐都－－－系－－－冻－－－冰－－－冰！！！！点解会系冻？？？？？？！！！炒蛋：好老，散哂，份量超少，一只蛋都冇猪扒：好咸，好大阵雪藏味！！茄汁焗豆薯蓉：ｄ豆加埋冇十粒．．．薯蓉冻，同埋鞋口到死，．．．生果：有几粒罐头生果送比