影片
更多
2022-10-01
2076 浏览
好后悔去咗依间酒店食自助餐，折咗都要成$700一位，绝对唔值，痛恨自己做咗傻仔🙄先讲海鲜：龙虾又干又硬，长脚蟹极咸，面包蟹长期只得啲身，翡翠螺得雪味，生蚝又奀又腥刺身：带子和希灵鱼都好食，但带子好快已经冇得拎，吞拿鱼淡而无味得雪味热食：件件天妇罗都着咗件厚绵立咁！串烧明明烧㶶咗都照放出嚟，烧得最好是粟米，但食完先见到个串烧师傅同一对蓝色手套走天涯，倒垃圾又系佢，清洁又系佢，之后烧嘢整嘢食又系同一对手套，好呕心啰🤮🤬🤬铁板和牛粒又硬又靭，羊架鸭肝鹅肝通通欠奉！最大镬系7点半已经唔出嘢食，要问先配给一两件俾你，终于乞求到两细件片皮鸭，是好食的皮香肉嫩唔会好肥，完全明白乜叫少食多滋味！好在都仲有鱼蛋粉和生滚粥就任叫唔嬲，猪脚姜多多都有啰！可以填饱你个肚！甜品：有较多选择，拿破仑切饼和黑森林蛋糕都好食，榴梿甜品唔觉有果肉似用香精，各款果冻啫喱淡而无味，不吃也罢😒服务：全间餐厅都有好多职员，但大多都挂住倾偈没有服务可言，笑容欠奉黑口黑面，门口职员有位短曲发带眼镜女职员十问九唔应，答你都嫌费事，这是酒店吗？？？
先讲海鲜：龙虾又干又硬，长脚蟹极咸，面包蟹长期只得啲身，翡翠螺得雪味，生蚝又奀又腥
刺身：带子和希灵鱼都好食，但带子好快已经冇得拎，吞拿鱼淡而无味得雪味
热食：件件天妇罗都着咗件厚绵立咁！串烧明明烧㶶咗都照放出嚟，烧得最好是粟米，但食完先见到个串烧师傅同一对蓝色手套走天涯，倒垃圾又系佢，清洁又系佢，之后烧嘢整嘢食又系同一对手套，好呕心啰🤮🤬🤬铁板和牛粒又硬又靭，羊架鸭肝鹅肝通通欠奉！最大镬系7点半已经唔出嘢食，要问先配给一两件俾你，终于乞求到两细件片皮鸭，是好食的皮香肉嫩唔会好肥，完全明白乜叫少食多滋味！好在都仲有鱼蛋粉和生滚粥就任叫唔嬲，猪脚姜多多都有啰！可以填饱你个肚！
甜品：有较多选择，拿破仑切饼和黑森林蛋糕都好食，榴梿甜品唔觉有果肉似用香精，各款果冻啫喱淡而无味，不吃也罢😒
服务：全间餐厅都有好多职员，但大多都挂住倾偈没有服务可言，笑容欠奉黑口黑面，门口职员有位短曲发带眼镜女职员十问九唔应，答你都嫌费事，这是酒店吗？？？
张贴
