一杯鐵板燒居酒屋

营业中

休息中

自从公司搬到观塘后，我都试左好几间新餐厅，今日去一杯系同事带我黎的，佢话个大阪烧非常好味。店内环境气氛都唔错，以为自己置身日本的居酒屋。午市时间，坐无虚席，我地等位都等左 10 分钟，好在今朝已经开完会，唔驶食到赶头赶命返公司。 由于散叫吸引啲，我地无叫SET LUNCH，两个人食，只系点左两样野，唔知够唔够我地食呢？先上枱的系关西烧，配料自选细粒带子同埋芝士，服务员喺我地面前切开佢方便进食，切到一个「井」字，9件，好似西多士咁。热辣辣又足料又点会唔好味呢？多量芝士做成拉司效果，对于两个芝士控黎讲，真系想尖叫出黎呀。第二样系粒粒面炒饭，食落有啲似童星点心面炒饭，味道偏浓，唔太啱我胃口。但我同事就好钟意，咁我就比佢清晒成碟啦。