十下火鍋

香港人最钟意打边炉，而呢间就主打港式怀旧风嘅火锅，装潢以八十年代旧屋邨为主调，大圆枱、霓虹灯牌、阶砖墙、地板、播著经典流行金曲、让人重温旧回嘅香港呀🇭🇰 汤底要咗鸳鸯锅，一边系木瓜蕃茄鲜鱼汤，另一边系清炖山药菌菇汤，木瓜软腍滋润，蕃茄酸甜开胃，仲有大半条鱼放咗喺里面，肉质肥美，食落啖啖肉，未开始已经饱咗一成🤣 杂菇配料满满，红枣杞子亦系健康材料，两款各有千秋～ 另外值得一赞嘅系呢度都系加汤而唔系水，所以唔会越煮越无味！整体嚟讲呢度嘅火锅料好有特色，大部份出面都未试过，大推花雕醉虾同花雕醉鸡，散发著浓浓嘅酒香但同时唔会失去本身嘅鲜甜味，前者肉质爽口弹牙，后者嫩滑唔嚡口，超有惊喜🤩 另外仲有可爱迷人嘅迷你福袋，外皮厚度适中，馅料丰富，值得一试～ 而鲜虾云吞都唔错，细细粒，一口一啖，可惜太饱唔系嘅话会DIY个云吞面😂食完一轮肉就到菜了，蔬菜拼盘份量十足，有两款指定蔬菜再加萝卜、粟米同冬菇，新鲜，入味，适合多人share！最后记得要留肚食咸蛋捞饭，饭粒粒粒分明，炒得好有镬气，咸香味突出，真系不得了🥹